ЕҢБЕК КҮНІН ҰЛЫҚТАҒАН МЕРЕКЕЛІК ШАРА
ЕҢБЕК КҮНІН ҰЛЫҚТАҒАН МЕРЕКЕЛІК ШАРА
Бородулиха ауданында Еңбек күніне орай Жаңа Шүлбі ауылындағы атшабар алаңында ауқымды мәдени-спорттық мереке ұйымдастырылды.
Айтулы шараға аудан басшылығы және тұрғындары мен қонақтары, ауылдық округтердің өкілдері, еңбек ұжымдары, мекеме өкілдері жиналып, еңбекті ел игілігінің негізі ретінде дәріптеген мерекені бірге атап өтті.
Мерекелік бағдарлама аясында ұлттық нақыштағы киіз үйлер қалашығы бой көтеріп, көпшілікке концерттік бағдарлама ұсынылды. Ұлттық спорт түрлерінен қазақ күресі бойынша жарыстар өтіп, «Еуразия кубогы» жолында шабандоздар ат спортының бірнеше сайысында бақ сынады.
Шара барысында ауданның әлеуметтік-экономикалық дамуына еңбегімен үлес қосып жүрген азаматтарға ерекше құрмет көрсетілді. Еңбек адамын ардақтау, ұлттық құндылықтарды ұлықтау, салт-дәстүрді насихаттау және ұрпақтар сабақтастығын нығайту – мерекенің негізгі өзегіне айналды.
Еңбекке құрмет – елге құрмет. Жаңа Шүлбіде өткен тағылымды мереке осы ұстанымды айшықтап, көпшілікке көтеріңкі көңіл күй мен ерекше әсер сыйлады.
Қорытындылап айтқанда, Жаңа Шүлбіде өткен тағылымды мереке маңдай термен ел дамуына үлес қосып жүрген жандардың еңбегін айшықтап, көпшілікті ортақ құндылықтар төңірегіне топтастырды. Ұлттық өнер мен спортты ұлықтаған, еңбек адамын ардақтаған бұл тағылымды басқосу – береке-бірліктің, елдік рухтың және ұрпақтар сабақтастығының жарқын көрінісіне айналды.
«Абай облысы Бородулиха ауданының
Мемлекеттік және басқа тілдерді оқыту
орталығының» басшысы Атаева Мейрамгүл Балабайқызы